الحب وعيد الحب

بداية كل عيد حب وانتو طيبين...
اختصر البشر الحب وعملوا يوم واحد في السنة يحتفلوا فيه بعيد الحب !!
وكمان خلوا الحب دا يخص ناس وناس لأ (واحد لوحده والعكس) لكن الباقي لأ !!
الغريب ان الموضوع بقى يوم واحد و364 يوم للأسف مش موجود فيهم حب !!
والأغرب ان معظم الازواج بيعملوا شير لصورة زوجاتهم ويكتب بحبك !! طب فين الحب دا باقي السنة !!
وكأن الحب أصبح رسالة الكترونية نرسلها للناس، (مع ان الزوجة معاهم ال364 يوم) اصبح الحب غريب، ناس عددهم قليل بس هما اللي بقدروا يحبوا !!
حب ايه اللي انت جاي تقول عليه !! ما انت عارف قبلا معني الحب ايه ؟؟
أأسف على السخرية لكن فعلا فقدنا احاسيس الحب، وبقى الحب كلام وخلاص. فقدنا الحب للناس وللأقارب، فقدنا الحب للأبناء والاصدقاء، فقدنا الحب للزوجة والخطيبة، فقدنا الحب للأعداء !!
فقدنا الحب لله !!!!!!!!!!
صديقي، وكل اصدقائي ....
إن كنت تحتفل بعيد الحب مرة في السنة فأنت في مأزق حقيقي !
إن طبيعة الله هي المحبة، الله محبة.
فإن كنت في الله، يبقى لازم تعيش 365 يوم في حب.
مش بس للزوجة او للاقارب او الاصدقاء، لكن للكل..
هل اللي حواليك بشوفوا فيك محبة يسوع ليهم ..
اخيرا اصدقائي الحب مش كلام فقط .. الحب افعال يستطيع الناس ان يتلامسوا معها
وكل عيد حب (كل يوم مش كل 365 يوم) وانتو طيبيين.