بدون قلب

انتشرت في الايام الاخيرة على بعض المواقع على الانترنت قصة شاب اسمه استارن لاركن
الشاب دا كان عنده مشكلة في قلبه والاطباء قرروا يعملوا ليه قلب صناعي. وبالفعل عملوا كده
وبقى لاركن يحمل داخل صدره قلبا صناعيا مزودا بـ"عداد إلكتروني"، وزنه 13 رطلا، وأنبوبتين لتوصيل الأكسجين إلى القلب
وطبعا هو كويس بالفلب دا.
بعيدا عن التطور الطبي ومساعدة الناس على انهم يعيشوا.جوايا كتير من الاسئلة عن القصة دي إن كانت حقيقية مش قصة مُفبركة.
السؤال الاول : ازاي ممكن لاركن يكون عايش وجزء من جسده خارجه.
السؤال التاني : هل عبء عليه او متعب ان يشيل شنطة في حدود 6 كيلوجرام ؟
السؤال التالت : هل لما قلبه بقى خارج جسده، بقى مرعوب عليه اكتر ؟
السؤال الرابع : ايه اللي يحصل لو كل الناس بقوا ماشين وقلوبهم خارج جسدهم ؟ وهل هنشهد حالات سرقة للقلوب ؟

ايه اللي عايز اقوله !!
كتير اوي بنعيش في حياتنا بقلب صناعي
القلب الطبيعي بيصرخ من الخطية ومن الشر اللي كلنا بنقع فيه
لكن في واحد بيرضى يروح لله ويسمح انه يعالجه ويظبط ضربات القلب الطبيعي
وفي ناس بتقرر انها تعمل قلب صناعي يتعايش مع الخطية وكل يوم يشرب الاثم كماء.